किंगरी का झाला घुगुती, पांगरी का डाला घुघूती ले घुर घुरान्दी घुघूती, ले फुर उड़ान्दि घुघूती क्य टक लगान्दी घुघूती, क्य रेंदी बिगांदी घुघूती के देश की होली घुघूती, के देश बे आई घुघूती किंगरी का झाला.... होए... होए... "किंगरी का झाला.......... उड़ान्दि घुघूती" **** तू मालु झाले की घुघूती, तू केसों रंग की घुघूती तू कब बसदी घुघूती, तू कन बसानी घुघूती मालु झाले की.... होए... होए... तू मालु झाले की घुघूती, तू मालु रंग की घुघूती बल चैत बैशाख घुघूती, तू घुर घुरांदी घुघूती "किंगरी का झाला.......... उड़ान्दि घुघूती" **** त्वेन तौल नी जाण घुघूती, अखोड की सायूँ घुघूती ओ बारों (बारह) मैनों की घुघूती, ऐगे ऋतू बोडी की घुघूती धारु मा फूलीगे... होए... होए... धारु मा फूली गे घुघूती, धरवलू बुरांस घुघूती पतालू फूली गे घुगुती, फूल सेतु सेल्पाड़ी घुघूती "किंगरी का झाला.......... उड़ान्दि घुघूती" **** तू खोड न खाया घुघूती, जिर्वाडा न जाया घुघूती बल बाटा का तौला घुघूती, तख जीरू बूत्युं च घुघूती मेरु दादू बन्दुक्या... होए... होए... मेरु दादू बन्दुक्या घुघूती, त्वे मार ढोलालू घुघूती तू एक एगुन्ति घुघूती, शराप पडलू घुघूती "किंगरी का झाला.......... उड़ान्दि घुघूती" **** तू खोड न खाया घुघूती, भंगल्वण न जाया घुघूती तेरु भेना फंस्योलू घुघूती, त्वे फांस लगोलू घुघूती तेरी खुटी अलझली घुघूती.... होए... होए... तेरी खुटी अलझली घुघूती, तेरी सांखी सुखेली घुघूती त्वे मार डोलालो घुघूती, अजाप पड़ालो घुघूती किंगरी का झाला घुगुती, पांगरी का डाला घुघूती ले घुर घुरान्दी घुघूती, ले फुर उड़ान्दि घुघूती
0 Comments